اقتراح: تخصيص قسم خاص للأطفال في الموقع

عنجد الرسمة التي رسمتها يا ميمونة حلوة، يبدو أنه عندك موهبة بالفطرة، إذا اشتغلتي على هذه الموهبة، إن شاء الله بتصيري رسامة محترفة، وبرأيي عندما نود إضافة شخصية جديدة على صفحة علم الفلك للأطفال أن تقوم ميمونة بوضع التصميم الأولي للشخصية ومن ثم يقوم الرسام بالتعديل عليها، وذلك طبعاً بعد إذن ميمونة وإدارة المنتدى.

شكرا على كل المساهمات
بس اللي بحب قولو وبدون زعل انو رسم ميمونة ما في شي جديد هي اخدت التصميم يللي صمموا الرسام وحطتلو عيون مو اكتر
ونحن قلنا للرسام يعدل بالرسمة ويحط عيون
واذا سمحتوا انا من شهرين عم لح على الرسام ليفضي شوي من وقتو لرسمتنا
والرسام يللي عم يصمم الشكل هو المسؤول عن موقع سبيس يعني محترف
و الاخ تفضل علينا وما اخد منا شي مع انو هيك تصميم ومن هيك رسام بكلف كتير
فانا عيب قللو ياريت تشوف هالرسم وتعمللنا متلها
اهانة له وللجمعية
اذا بتريدوا

له يا دانة الشباب عم يمزحو يعني ما بدها زعل القصة..

القصد إنو ميمونة عملت مجهود حلو بس مافي غنى عن التصميم الرائع الذي حصلت عليه...

ونحن بالانتظار...

أولا أنا آسفة إذا كنت تدخلت وأخطأت في حقك
بس أنا رسمتها قبل أن توضع في المنتدى يعني ما كنت أعرف كيف رسمها الرسام بل كانت من مخيلتي ومش من عادتي أني أنقل الرسمات أبدا .وكنت مخطئة لما وضعتها آسفة يا آنسة دانة أنا ما كان قصدي أني أتدخل في عملك .
ولما الأعضاء أثنوا وقالوا لازم أنكم ترسموا رسمة مثلها كانوا يمزحوا فقط على ما أعتقد.

والله مو قصدنا شي يا دانة، إن شاء الله ما تكون زعلت منا، وبعرف أديش تعزبت حتى حصلت لنا على هذه الرسمة الأكثر من رائعة، وكل الأعضاء بالمنتدى حابينها.
ونحن حقاً آسفون إذا أزعجناك.

طولو بالكن يا شباب
بعتقد دانة فهمت القصد .. وما بظن رح تزعل
بكل الاحوال شكرا الك وللاخت ميمونة
وطبعا نحنا منشكر ومنقدر اي شخص بقدم اي مساعدة مهما صغرت
وعفكرة تصميمك رائع

ما في مشكلة
وانا مو ضد اي اقتراح وكل واحد حر يعبر عن رايه
انا وضّحت الموضوع مو اكتر
وعطيت رايي

وبالنهاية كلنا عم نشتغل سوا ولنفس الهدف

أوكي و بالأخير على شو اعتمدنا

على رسمة دانة بدون تعديل

و بأي وقت رح يكون افتتاح النادي

تحية طيبة و بعد
أنا مع هذه الفكرة و من المشجعين لها

على الفكرة يا سيد دكتور فراس هل عملتم على اللمواضيع و الفلاشات التي سوف تكون في المنتدى أو ليس بعد المهم إذا كنتم تعملون عليها فهل يمكننا المساعدة؟؟

الرسمة رح تتعدل انشاء الله حسب ما كتب الدكتور فراس
ما تخافوا يعني اقتراحاتكن على راسي

مشكورة دانة

د.فراس متل ما قالتلك ميمونة:

اقتباس :

على الفكرة يا سيد دكتور فراس هل عملتم على اللمواضيع و الفلاشات التي سوف تكون في المنتدى أو ليس بعد المهم إذا كنتم تعملون عليها فهل يمكننا المساعدة؟؟

لم نعمل على شيء بعد وهناك فقط بعض الأفكار والمقالات الأولية.. سننتهي من المرحلة الأولى (وهي تصميم الشخصية) ثم ننتقل إلى الخطوة التالية.. وسنقوم بإعلامكم خطوة بخطوة في هذه الصفحة..

فالنسرع إذاً د.فراس

انشاء الله يا حسان
وأنا لدي أفكار جميلة
ولكن سأرى وحسب ظروفي في هذا الفصل الدراسي
واذا تمكنت وكان هناك الوقت وسمحت الظروف سوف أكون من أول المشاركين

شو عاد صار معكم هون

لا تنسوا أنه العام الفلكي على الأبواب

والله بدها همة
.....
بس اكيد الظن رح يكون بمحله

إنشالله

» تخصيص صفحة للأطفال في النشرة الشهرية
» فترة تحديث الموقع
» هل الموقع مهجور اين انتم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
» 100 ساعة فلك للأطفال
» إطلاق مسابقة المجموعة الشمسية للأطفال