اقتراح: تخصيص قسم خاص للأطفال في الموقع

اول شي
شكرا على المنتدى اللطيف
عندي اقتراح صغير: هو ان يكون للموقع قسم خاص بالاطفال
في مواقع اجنبية للفلك للاطفال كتير حلوة فيها رسومات وفلاشات
يعني اذا عملنا شي بيشبهون
بس بدها حدى شاطر بالفلاش
باقي الشغلات انا بساعد فيها ترجمات او اي شي تاني

شكرا جزيلا
وانا مستعدة لاي شي بتريدوه
يعني تقريبا انا بديت اشتغل فيه
وعندي افكار حلوة
وشكرا

حلو كتير
عن جد لازم يكون في صفحة خاصة بالافطفال وخاصة انو نحنا اسم جمعيتنا هواة الفلك
بقا لازم تعنى بالاطفال
بالنسبة للفلاش انا بقدر ساعد بس ما بعرف متل شو
اذا ممكناخت دانة تخبريني اذا في مواقع فيها فلاشات خرج تنعمل معي ونتساعد انا وانت شو رايك؟؟؟
بس لازم ما يكون فيها امور برمجية معقدة وانا اكيد رح بقدر اعملها يعني متل العروض اللي عاملها بصفحة العروض التفاعلية
بس اكيد بعد فترة الامتحانات يعني عالشهر الجاي
وصحيح دكتور فراس في عندي كم فكرة جديدة بلكي بيزبطو على الفلاش
عم فكر ساوي خريطة ثلاثية الابعاد للقمر وباسماء عربية
ان شاء الله تزبط معي الفكرة لانو لهلا الفكرة بس عبارة عن تفكير
ولسا ما شفت اذا رح يمشي حالها بالواقع

شكرا كتير للجميع
لتشجيعكم
من شان الفلاشات
بتخيل بسيطة متل دوران الكواكب حول الشمس بس انو نراعي النسبة بين السرع
ومتل مثلا خسوف كسوف
في موقع حلو
kidsastronomy
في هيك شي

اقتراح أكثر من رائع يا دانة، لأنه صار وقت إنه نوجه جهودنا واهتمامنا بالأطفال، فهم يتمتعون بقابلية على التعلم السريع، وبذلك عندما يكبرون يكون عندهم من المعلومات ما لا نعرفه نحن الآن.
أعتقد بأن الصفحة ستنجح إن شاء الله، وخايفة نصير نحن اللي ندخل عليها أكثر من الصغار، لأنها تتمتع بالحركة والصور والفلاشات.
وأنا جاهزة للمساعدة في مجال الترجمة، في حال حبيت أن ننسق مع بعض.

لقد اضطلعت قليلاً على هذه المواقع، وأعجبني أكثر شيء موقع http://www.kidsastronomy.com/
بالطبع لتجذب الأطفال يجب أن يكون فيها الكثير من الألوان والصور، بشكل مبدأي يجب أن نعرف الأطفال على علم الفلك والفضاء، كما أنه يجب أن نتحدث عن أقرب الأشياء إلينا مثلاً عن كرتنا الأرضية وصفاتها والظواهر التي تحدث على الأرض مثل الكسوف والخسوف والزلازل والبراكين والمد والجزر والشفق القطبي ....
وأن نشرح كيف أن منظر القمر يتغير خلال الشهر، وإن أمكن وضع أطوار القمر مثل التي توجد في موقعنا أو ما يشابهه.
كما أنه يجب نشرح عن مجموعتنا الشمسية، ووضع صورة أو فلاشة تظهر الشمس والكواكب التي تدور حولها، والتحدث عن كيفية تشكل المجموعة الشمسية، وعن ما تحتويه المجموعة الشمسية من كواكب وتوابعها وكويكبات ومذنبات.
وماذا يوجد خارج مجموعتنا الشمسية في الفضاء الخارجي، أي التكلم عن الكون وكيفية تكونه، وما هو موقعنا من الكون، وكم أن الكون كبير، وماذا يوجد في أعماق السماء من أشياء لا نراها مثل السدم بأنواعها والمجرات (خاصة مجرتنا درب التبانة) والثقوب السوداء، وعن النجوم وسطوعها وأصنافها وخاصة شمسنا.
طبعاً كل هذا من خلال شرح مبسط مرفق بالصور أو الفلاشات.

ويمكن بالمستقبل أن نعمل قاموس فلكي بالصور بحيث يكون مبسط، مثل ما هي الصواريخ، الأقمار الصناعية، المحطات الفضائية، المكوكات الفضائية، التلسكوب، البقع الشمسية، تلسكوب هابل، ناسا، ......

بالنسبة لخريطة السماء والأحداث الفلكية ربما تكون مثل التي في صفحتنا، ولكن ربما نستطيع جعل خريطة السماء تقتصر على ما يوجد في السماء من كوكبات واضحة خلال الشهر.

ويمكن أن نضع صندوق صغير يستطيع فيه الأطفال وضع اقتراحاتهم فيما يتعلق بالصفحة، إن أمكن تحقيقها، لأننا مهما فكرنا فلن نعرف ما يسعد الأطفال ويشدهم أكثر، كما أنهم يمكن أن يضعوا فيه أسئلتهم بما يتعلق بعلم الفلك، وتتم الإجابة عن الأسئلة في تجديد الصفحة كل شهر.
طبعاً تجديد الصفحة لن يكون فيها تغيير بالمعلومات مثل صفحتنا وإنما ستكون لإضافة معلومات جديدة.

هذا ما لدي حتى الآن وإذا خطر ببالي أي فكرة جديدة سأخبركم بها.

مرحبا
انا خبرت الدكتور فراس اني حكيت مع رسام من شان الشخصية الكرتونية
بس بدو بالضبط يعرف الصفحات واللي رح تكون موجودة بالقسم منشان يغير شكل الشخصية حسبها
واذا في كان اي اقتراح عليها ياريت تخبروني
بس رح يرسم الشكل بس يعني بدون حركة لانو بتصير تكلف كتير وما بعرف اذا الاستاذ ناصر بيقدر بعدين يعملها حركة
يعني ما تكون جامدة
وما بعرف اذا في اي اقتراح جديد ياريت تخبروني

انشاء الله الشخصية بتكون جاهزة بعد 3 اسابيبع
بس حابة اعرف اذا حدى عندو تصور عن شكله لانو الرسام اقترح انو يكون شكلو معدني متل رجل الي او شي هيك وانا خايفة يكون يعني بعيد عن القلب اذا كان معادن
اذا في حدا عندو غير اقتراح يخبرني قبل ما يبدا
المقالات انا عم اكتب فيها

مرحبا جميعاً.......

أنا اليوم قرأت الموضوع و فعلاً بشكل قنبلة للمنتدى .............

بالنسبة للشخصية الكرتونية أنا بقترح أنه تكون شخصية معروفة للأطفال متل توم و جيري أو ميكي ماوس أو أرنب ..... إلخ.

و إلى الأمام سر ....... و بعون الله

السلام عليكم ..
بالنسبة الشخصية الكرتونية حسب رأيي تكون رجل فضاء لديه مركبته الفضائية التي ينتقل بها عبر الكواكب ويعرف الأطفال بها وأتوافق مع الآنسة دانة في أن ل يكون معدنيا ولكن هذا ما يحبه الفتيان على ما أظن
ولهاذا فليكن ليس بشرا بل ما يشبه الشخصيات الخيالية مثل صورة دانة الشخصية بس يكون شكله ألطف .
أو حتى يكون اثنين فتى وبنت حتى لا يكون هناك تفرقة .
على كل حال هذا رأيي.
ان شاء اله بالتوفيق

شكرا ميمونة وحسان بس الفكرة ما بدي شخصية مكررة يعني لازم تصير هالشخصية مميزة لقسم اطفال بجمعيتنا
يعني انشاء الله تصير متل شي مميز بكل النشاطات اللي رح تكون خاصة بالاطفال
انا هيك رايي
و صورتي مو حلوة بعرف وحتى مقرف بس منشان تشغللو مخيلتكن بالموضوع
وشي تاني
شو اول فكرة ممكن تلفت نظر الطفل وتخلليه يهتم لعلم الفلك

أنا أظن أنها النجوم و القمر و السماء بشكل عام في الليل.
يمكنك القول بأن أي شخص ذكي قد يشد انتباهه إلى علم الفلك . يمكن حتى الأفلام الخيالية التي تحكي عن غزاة من الفضاء أن تجذب الطفل إلى معرفة العالم الخارجي .

نعم يا نسيم فكرة الشخصية تكون نجمة أوافقك عليها لأنها حلوة ولطيفة.وبرقها يلفت النظر ويحبب الأطفال إلى النظر نحو السماء وكذلك أوافق سيد حسان على أن الشهب أكثر جلبا للنظر.

شكرا للكل
الصراحة متل ما فهمت انو بعد 3 اسابيع كل شي بكون خالص
بس خلال هالفترة بيبعتلنا التصاميم الاولية لنعطيه راينا فبها
ودكتور فراس ما عطيتني رايك باالمقالات
اسفة لاني لحوحة
شكرا

BABY LOONEY TOON


WALL-E