منتدى فاشل

السلام عليكم
تحية طيبة لجميع اعضاء المنتدى و اعضاء الجمعية
لقد عمدت الى كتابة هذا العنوان (فاشل)لانه يدل على مدى اهمال الاداريين للموقع و المنتدى
لكن اليكم بعض الاسباب التي تجعل من منتدانا (فاشل)
1 يتم طرح الموضوع ولا يتم الاجابة عنه الا من قبل بعض الاعضاء و طبعا اجابة عضو عادي في المنتدى لن تكون موثوقة 100%
انما الاجابة الصحيحة تكون عند الاداريين و الاعضاء المشرفين و الذين لا يزوروا الموقع الا في النوادر
2 اهمال بعض المواضيع و من ثم تنشيطها و من ثم اهمالها ................ كموضوع (الاسئلة الفلكية)(هل تعلم )..... وغيرهم الكثير من المواضيع
3 عدم اقامة رحلات رصد و دورات تعليمية و محاضرات على نطاق واسع
4 اهمال الاعضاء الجدد الذين يودون التعلم و الاستفادة من هذا الموقع مما يدفعهم للمغادرة و البحث و التعلم بنفسهم

.
.
.
انا برأيي هدول الاربعة من اهم الشغلات يلي لازم تتحسن بالمنتدى
و كمان يلي عندو اقتراحات يتفضل و يذكرهون
انا ما عم اعمل هل شي كره بالجمعية بالعكس مشان تكون جمعيتنا و منتدانا من احسن المصادر الموثوقة و الفعالة
اليكم بعض الحلول
زيادة عدد المشرفيين
تزويد الاعضاء النشطون ب موسوعات و اعطائهم رتبة تظهر بجانب الاسم (حتى ينعرفو انهوم خرج ) و يزيد نشاطهون بالمنتدى
.
يا جماعة نحنا بحاجتكون و بدنا ياكون تفيدونا
بالنهاية رح انتظر الدكتور فراس و الاستاذ محمد و الاعضاء الاكارم
مع تحيات سنفور ناقض
تحية للجمعية و المنتدى و للجميع

أنا أوافقك الرأي يا أخي كرم نحنا مابدنا نحط الحق على الأداريين لأن أسمها جمعية يعني ليس فقط من يعنى فيها هم الأداريين بل الأعضاء ككل وأنا من الأعضاء الذين نسيوا كلمة السر للدخول الى المنتدى بسبب فترة طول غيابي وشكرا على أيقاظك لنا

السلام عليكم جميعا"
موقع الجمعية على الشبكة لابأس فيه
والنشرات الاخبارية الشبه يومية التي تصل المشتركين أكثر من ممتازة
ولكن المنتدى بعد فتح موقع على الفيس بوك لاعضاءالجمعية أصبح مهجوررررررر وليس فاشل من وجهة نظري

اتبعوا الرابط التالي

https://ar-ar.facebook.com/#!/home.php?sk=group_105099872888796&ap=1

وستجدون أعضاء الجمعية بالصوت والصورة

والسؤل الذي يطرح نفسه لماذا هذه الهوة بين المشرفين على المنتدى و الأعضاء وضيوف المنتدى أنفسهم ؟

اقتباس :

ولكن المنتدى بعد فتح موقع على الفيس بوك لاعضاءالجمعية أصبح مهجوررررررر وليس فاشل من وجهة نظري

ومع ذلك, لا غنى عن المنتدى, روح المنتدى وطريقة عرض المعلومات هي الأنسب, أما الفيسبوك فيجب أن يكون متمما, ويكون واجهة إعلامية للمنتدى و الجمعية, وليس ساحة النقاش الحقيقية, وقد لاحظت فعلا من خلال المقارنة أنه لا يمكن بناء نقاش فعال على الفيسبوك كما المنتدى.

3

اقتباس :

عدم اقامة رحلات رصد و دورات تعليمية و محاضرات على نطاق واسع

[/quote]
أعتقد أنه في الأوضاع الحالية لا يمكن الحديث عن هذه النقطة.

اقتباس :

والسؤل الذي يطرح نفسه لماذا هذه الهوة بين المشرفين على المنتدى و الأعضاء وضيوف المنتدى أنفسهم ؟

نقطة مهمة, أظن أنه من الأفضل أن يكون لأعضاء الجمعية شارة تدل على أنهم من الأعضاء, للتفريق عن رواد المنتدى من خارج الجمعية, و أن يكون هناك اجتماعات دورية لإعضاء الجمعية العاديين, بحيث يزيد التعارف بيننا, نتبادل الخبراي, وربما نقسم أنفسنا إلى مجموعات يتم إيكال مهمات محددة إليها في المنتدى, وهنا نحتاج لآراء أعضاء مجلس الإدارة ومشرفي المنتدى بمدى إمكانية التطبيق و الهيكلية المناسبة, و هي ليست بشيء صعب, و أنا أعمل في أحد المنتديات الأخرى ويتم تقسيم العمل بهذه الطريقة.

شكرا أخي كرم لطرح الموضوع

1 شكرا ردين
2 انت يا اخ وسيم البيرقدار خليك عل فيسبوك تبعك
المنتدى شي و الفيسبوك شي تاني
و كمان انت كيف حصلت عل 152 مشاركة انت اغلب مشاركاتك بتكون (شكرا ,معلومات جميلة ,ما شاء الله,..... و من هل حكي)
اما مشاركاتك العلمية و العملية ما بتتجاوز ال20 مشاركة
3 الله محيي اصلك اخ غيث حكيك جواهر >
لانو المنتدى غير الفيسبوك من جد الو غير نكهة
و مشان الاوضاع الحق معك بس انشاء بس لتخلوص منرجع منتابع النشاطات على اكمل وجه و بنشاط زايد
و مشان الفكرة الاخيرة انا معك فيها للعضم بس استنوني لخلص تاسع
و لارجع انكوت الدنية كلها
انا بهل سنة تراجعت كتيييير بعلك الفلك صرت انسى معلومات و مواقع نجوم و كتير شغلات
بس ستنوني شوي و شوفو شو رح اعمل بالمنتدى و الجمعية

يا عزيزي كرم بعض النقاط يلي ذكرتها مشان النهوض بالمنتدى عملية و تستحق الدراسة.

وسيم ( اذا بترجع بتقرا ردو ) ما كان قصدو انو يقول انو الاعضاء يروحوا ع الفيس البوك ابداً بس يلي قالوا انو المنتدى صار مهجور و ليس فاشل و ما في داعي اكيد نكون قاسيين مع بعضنا لانو نحنا اخوات و حتى الكلمة الطيبة مشاركة و العلم عند رب العالمين.

و كل واحد فينا اكيد عندو ظروفو المختلفة .... لذا حالياً ... الله يهدي البال و ان شاء الله بيرجع المنتدى متل ما كان و احسن.

امين يا رب
خلص انا معك استاذ عبد اللطيف

السلام عليكم استاذ محمد صرلي مدة عم استنى ردك
1 بالنسبة للحضور انت التها انو الاوضاع هلأ مو كتير مناسبة و اني انا صف تاسع و حتى اني كتبت استنوني شوي لحتا خلص
بالبنسبة للعنوان كنت متردد كتيير اني حطو بس لأيتو انو رح يشد انتباه اكتر من غيرو مع ذلك بضل مخطأ لانو رح يعكس صورة سيئة عن الجمعية
1 مشان الفيس بوك طيب خلونا نشوف مشاركات حلوة عل فيسبوك يعني الغروب فيها شي 90 عضو بس ما في مشاركات كتيير
2 اذا انتو عتبرتوها اسائة انا اسف بس مو هيك كان اصدي
3 انا ما ألت عن الجمعية انها فاشلة بالعكس انا بقول انو جمعيتنا من احسن الجمعيات بالوطن العربي و حتى وقت كان الوضع بالصيف مناسب كنا نطلع رحلات رصد و حتى كنت انزل و احضر محاضرات و شوف الافلام الوثائقية مع باقي الاعضاء
و انا مع كلشي للجمعية و اذا بدكون نقلو الموضوع لقسم الكاوي هيك بكون افضل
او حذفو و منرد منطرحو بغير اسم

السلام عليكم اخ وسيم البيرقدار
انا بعتذر منك اذا انت كنت اخد الحكي على انو اساءة او اي شي بهل معنى

وعليك السلام ورحمة الله سيد محمد

اتمنى لك النجاح و التوفيق في امتحانك المقبل و اذكرك بالقول

بالجد والعمل يحقق الأمل

شكرا اخ وسيم

أنا بالنسبي الي بيكفيني وجود هيك منتدى بقدر لاقي فيه مين بيهتم بالفلك كناحية علمية وليست برجية متل ما بيشوفوه الناس والمواضيع غنية وشوية اهتمام اكتر بيصير افضل منتدى

السلام عليكم
أشكر الأستاذ أحمد على موضوعه و أنا أوافقه و كلام رئيس الجمعية كافي و وافي .
بصراحة لقد قرأت الموضوع منذ زمن و لاحظة انا هذا الموضوع قد اثار اصابع الكل على لوحة المفاتيح
بالنسبة للمحاصرات التي تعقدها الجمعية فلا يستطيع أعضاء المحافظات الاخرى حضورها......
و بعد كل ما قراته قررت أن أبدأ بدورة فلكية على هذا المنتدي الرائع و الذي سيصبح أروع إن شاء الله و قد أنهيت إلى الآن حوالي درسين و ستبدأ على رأس السنة إن شاء الله و لا داعي للقلق فالمعلومت مستندة من عدة مراجع
و لا أريد منكم سوى الردود في هذه الدورة طبعا وباقي المواضيع.
و أتمنى أن تبقى هذه الدورة لتبقى صدقة جارية, آمل أن أبقى حتى رأس السنة.
أريد تعليقكم و شكرا

شكرا أخي على طرح هذا الموضوع أنا فعلا لامست المشكلة لأني عضو جديد وبعشق الفلك بس كنت متوقع لاقي تفاعل أكتر مع المنتدى حسيت حالي كأني وحيد بتمنى نضل على تواصل ونتبادل المعارف والخبرات وأنا طالب باتعليم الثانوي وبتشوق كتير للمواضيع المطروحة

كلام صحيح 100%

أنا جيت بآخر المشكلة (:
بظن كلام الأستاذ محمد كافي ووافي...لكن في فكرة عملية وممتازة أثارها اخي غيث:

اقتباس :

نقطة مهمة, أظن أنه من الأفضل أن يكون لأعضاء الجمعية شارة تدل على أنهم من الأعضاء, للتفريق عن رواد المنتدى من خارج الجمعية, و أن يكون هناك اجتماعات دورية لإعضاء الجمعية العاديين, بحيث يزيد التعارف بيننا, نتبادل الخبراي, وربما نقسم أنفسنا إلى مجموعات يتم إيكال مهمات محددة إليها في المنتدى, وهنا نحتاج لآراء أعضاء مجلس الإدارة ومشرفي المنتدى بمدى إمكانية التطبيق و الهيكلية المناسبة, و هي ليست بشيء صعب, و أنا أعمل في أحد المنتديات الأخرى ويتم تقسيم العمل بهذه الطريقة.

ممكن تكون هذه الاجتماعات عبر الانترنت..

موفق كرم بدراستك..وهلق خلصت..فرجينا عزماتك لنشوف..