منظار غاليليو خلال شهر نيسان: الإعلان الإلكتروني

يرجى تعميمه على شبكة الإنترنت من قبل الجميع خلال هذا الأسبوع..

ومن يرغب بطباعة الإعلان وتوزيعه بإمكانه تحميل نسخة pdf ذات دقة عالية (250 كيلوبايت) تحتوي على نسخة ملونة ونسخة أخرى بالأبيض والأسود صديقة للطابعة وذلك من خلال النقر هنا

اعلان رائع

جاري التعميم

يعطيك العافية دكتور فراس ... تصميم رائع ..

مبارحة كنت طالع مع تكسي ... وحكا جملة بالصدفة ( نحنا عيشة يا دوب عم نظبط وضعنا ... كيف اذا بدنا ندرس عن الفضاء !!! ) Very Happy

خبرتو عن الرصد اللي رح يصير وتحمس كتير ليحضر ....

الفكرة الحلوة انو باليوم عم نطلع مع اكتر مع تكسي اقل الشي 4 مرات ..... اذا شفنا واحد فهمان وبيحب العلم .... ممكن ( وعالموانة العلمية Very Happy

) نحط هالاعلان على تابلو السيارة وكل ما بيطلع شخص معو بيشوفو ...

وكل يوم بيطلع اكتر من 50 شخص باقل تقدير مع هالسائق .... ومع كم كلمة حلوة مع السائق وشرح عن الجمعية ... بيقضي اليوم كلو عم يتسلى مع الركاب بهالسيرة نفسها Very Happy

وهيك منضارب على اكبر شركة اعلان .... واذا ما حدا حضر الرصد .. على الاقل اسم الجمعية بصير متعارف بين اعداد كبيرة من الناس

شو رايكم ؟؟؟؟نطبع شوية ونعمل هيك ؟؟؟؟

بيصير ... ليش لأ
drunken

فكرة جيدة حازم..

ولمن يود توزيع الإعلان قمت أعلاه بإضافة نسخة pdf ذات دقة جيدة للطباعة يمكن تحميلها وطباعتها وتوزيعها..

د.فراس طباعة إعلان بهذه الألوان صعب....بس إذا ممكن تعمل نسخة ذات ألوان أخف مناسبة للطباعة ولا تستهلك حبر كثير...وملفتة للنظر...وشكرا للمجهود...وإن شاء الله سيتم نشره في منتدى كلية الاقتصاد بحماة

كنت أتمنى أن أساهم بنشر هذا المشروع و لكن هناك الكثير من الأشخاص الذين لا يتفهمون أهداف الجمعية , فمنذ ثلاثة أشهر قمت بطباعة الشعار الرسمي للسنة الدولية للفلك وعلقته على الحائط في مركز الأشعة الذي أعمل به حتى يراه جميع الناس , ولكن الطبيب و صاحب المركز لم تعجبهما الفكرة و طلبا مني إزالته بحجة أننا لا نقوم بالدعاية لأي جهة , وهذا أنا مع أشخاص على ثقافة عالية في مكان العمل على حسب زعمهم!!!!!!!

يا سيدي اطلب تعطى..

تمت إضافة النسخة أعلاه..

يعطيك العافية ويسلموو على الاعلاان
كلك

زؤء

بدنا غير هالوسائل شباب
انو رح نحاول ننشر هالشي عن طريق توزيع الاعلان
أنا رح أعمل على وضعو بجامعة حلب بس عندي مشكلة أنو لازم أخد موافقة قبل ما حط الأعلان بالكليات
وهون المشكلة
وكمان بدنا غير فكر انا بشوف انو ممكن يطلع الاستاذ محمد على قناة سوريا ويحكي عن هالشي
انو اذا بيقدر....
يعني يسير تعميم لهلأمر بمختلف وسائل الاعلام
وفكرتك حلوة أخ حازم Very Happy

بس مما بظن تزبط ياأصحاب التكاسي بحلب ويا بلى Mad

مو زابطة

كما قال الدكتور فراس أطلبوا تعطوا يوم الأحد 22 آذار سيتم تسجيل ربورتاج كامل للقناة الفضائية السورية وقناة الرأي والبي بي سي لندن خاصة بمنظار غاليلو وأماكن الرصد والتلسكوبات المستخدمة والنشاطات المرافقة سيتم تسجيله الأحد ليتم عرضه في برنامج مرآة العلوم يوم الاربعاء مساءا وعلى البي بي سي يوم الاثنين الساعة الثالثة ظهرا والرأي ستعرضه ل متكرر حسب المتاح وستغطي معظم الغعاليات وسأحاول الاتصال بقنوات اخرى للتغطية لك تكرموا ياشباب بس يلا شغل ونشاط وحماس .

الله يعطيك ألف عافية أستاذ محمد......وشكرا كتير د.فراس عالإعلان.....

الآن تم وضع الإعلان في منتدى كلية الاقتصاد بحماة......وتم وضع تصويت حول النظر بالتلسكوب لاول مرة.......بإمكانكم مشاهدة الإعلان في الصفحة الرئيسية للمنتدى.....وهنا الرابط:
www.hamaeconomics.co.cc

وعطونا رأيكم...........

يا عيني عليك يا محمود..

هاد الشغل الحلو.. وفكرة الاستفتاء رائعة.. وتوقيت نشر الإعلان ممتاز فمعكم الكثير من الوقت حتى تاريخ الرصد.

سنرى ما هو العدد التي ستتمكنون من تحقيقه في حماه خلال يوم واحد من الرصد..

واليوم وصلني خبر جميل بالنسبة لحماه لا أعرف إذا كان الأستاذ محمد العصيري سيعلن عنه؟؟

دكتور فراس مشكور على الإعلان

بس أنت هيك عم تخبي علينا الخبر الحلو

شو الخبر دكتور

شوقتني كتير

خبر حلو بالنسبة لحماة ..... شو هالخبر ......بليييييييييز

د. فراس كتب:: واليوم وصلني خبر جميل بالنسبة لحماه لا أعرف إذا كان الأستاذ محمد العصيري سيعلن عنه؟؟

خير اللهم اجعله خير.........

الله يعطيك العافية يا أستاذ محمد
أستاذ جد حاول أنو بأكتر من هالقنوات أذا بتقدر
هلا أنا أول ما تعرفت عالجمعية وقتها تعرفت عليها من لقاء لألك وقت كسوف الشمس على الفضائية
وأنو وقتها كان كتبت أسم الموقع ومنشان هيك عرفت
مشان هيك أستاذ حاول أكتر ما فيك انو حتى بالمواقع الأخبارية متل الجزيرة والعربية أنو بصباح العربية أو الجزيرة
جد هاالشي رح يساعد كتير بنشر الجمعية
وأنشاء الله هالنشاطات رح تساعد كتير
بس في شغلة أستاذ أنو تكتبلنا دائما الموعد بالظبط الي رح يطلع فيه اللقاء او الريبورتاج
يعني هون بالمنتدى أو بالأس ام اس
منشان نعرف ونخبر رفقاتنا ومعارفنا منشان يتابعوه

تحية إلى جميع الشباب..

نعتذر عن التعديلات المتكررة في الإعلان ولكن هناك بعض "الكركبة" في التنظيم والبرنامج والأشياء المعقدة الأخرى..

وإن شاء الله سيكون الوضع أفضل في الأشهر القادمة.. والأمور تتحسن..

ألفت نظركم إلى أنه تم تعديل النسخة الإعلانية أعلاه مع تعديل نسخ pdf القابلة للطباعة ويمكن تحميلها من الرابط في أول مشاركة ضمن هذه الصفحة.. كما تم تعديل الرابط الخاص بصورة الإعلان ولذلك أرجو من محمود تعديل الإعلان في منتدى كلية الاقتصاد (مع العلم بأنني أتابع المشاركات فيه.. )..

وبانتظار ماراثون التلسكوبااااااااااااااااااات

تم التعديل في منتدى كلية الاقتصاد بحماة..........وشكرا دكتور للمتابعة................. I love you

سنجمع عدد كبير من الرؤوس "الناظرين" إنشاءلله

و مشروع منظار غاليليو سيبدأ بعيد انتهاء المحاضرة المقررة في 5/4/2009 في حماه

فإذاً سيبدأ تعداد الناظرين عبر التلسكوب بعد المحاضرة في 5 نيسان ثم ستكون هناك ليلة رصد فلكي إضافية يوم الجمعة بتاريخ 10 نيسان..

هل حصلتم على الاستمارات وكل شيء جاهز؟ وما هي التلسكوبات التي سيتم الرصد بها؟؟

الاستمارات لم تصلنا بعد.....................بانتظارها

التلسكوب الأول هو غالاكسيا وهو تلسكوب عاكس قطر مرآته 114 ملم أي ما يساوي تقريباً 4.5 إنش...وهو من الأخت أماني...

والتلسكوب الثاني قطر عدسته تقريبا 6 إنش وهو أيضا تلسكوب عاكس........من الأستاذ سامر الحسن.....

فإذاً موضوع التلسكوبات قد تم حله وهذه القياسات رائعة جداً..

بالنسبة للاستمارات فنعترف أن هناك بعض التأخير من قبلنا وذلك بسبب مشاكل صغيرة أدت إلى عرقلة سير العمل.. هناك ستاندات وبروشورات ونشرات وغيرها ولم تصبح جاهزة بعد.. ونحن نسعى إلى إنهاء العمل بالسرعة القصوى..

على كل حال لنقل فرضاً أن الاستمارات لم تصل في الوقت المناسب فأرجو منكم تحميلها من المنتدى (نفس منتدى منظار غاليليو) وتصوير 10 نسخ منها مثلاً حيث يمكنكم البدء بها ريثما تصل التعزيزات..

مع التحية والشكر لنشاطكم الجبار..

كل الشكر لمجهودكم دكتور فراس ومجهود الشباب في دمشق..............طبعا نحن لن نبدأ نشاطنا قبل 5 نيسان.....

وإن شاء الله بتوصل الستاندات قبل هذا الموعد.............والله يعطيكم ألف عافية...ومتل ما قلت بأسوأ الظروف سنحمل نسخ من الإعلان ونطبعها ونوزعها.......اليوم إن شاء الله سنستلم إعلان محاضرة يوم الاحد من المركز الثقافي ونلصقها في أكبر عدد من الاماكن في مدينة حماة....إن شاء الله

الاستمارات جاهزة ان شاء الله
و التليسكوبات المتوقعة هي :
2 لايرا
1 بلوتو

رائع!

والستاندات جاهزة أيضاً..

والبروشورات في المطبعة وتنتهي صباح الخميس بإذن الله..

الأمور تصبح جاهزة!

» الإعلان الإلكتروني لمنظار غاليليو خلال شهر أيار
» منظار غاليليو: تعريف عام بالمشروع
» استمارة المشاركة في مشروع منظار غاليليو
» دعوة للمشاركة في مشروع منظار غاليليو
» التحضير لمنظار غاليليو خلال شهر أيار: اقتراحاتكم؟؟