اقتراحاتكم لانجاح مشروع غاليليو

عندي فكرة ما بعرف اذا ممكن تطبيقها
متل الشخصيات يللي بحطوها قدام المطاعم ، متل ميكي ماوس ، او متل البالونات المنفوخة الكبيرة
اذا في شي شكله فلكي متل كوكب كبير ، او رجل فضائي
يعني ممكن يلفت نظر من بعيد ويشد الناس
او على الاقل ببين شو عم بصير

حلو كتير أخت دانة........

فكرة جميلة.. ولكن ليس لدي خبرة بالنسبة لطريقة التنفيذ..

هل يعرف أي منكم كيف يمكن تصميم وتفصيل زي رجل فضاء مثلاً؟؟

يمكن البنات بيعرفوا أكتر...

تحياتي جميعا على هالنساط والحماس المنقطع النظير

حابب اقترح بعض المواقع الحلوة للرصد :

- بستان شارع ال30 بين القدم والمخيم مكان حلو في حركة ناس وفي بساتين واسعة للرصد بعيدة قدر الإمكان عن التلوث الضوئي

- الحديقة الجديدة بالزاهرة قريبة على المتحلق الجنوبي وفيها حركة كثيرة المسا ومناسبة للرصد

وممكن تزورو المكان للتتأكدوا وتقيموا بنفسكن

مشكور اخ رامي.....بانتظار رأي شباب دمشق....

هي أرض زراعية بجانب استراد شارع ال30 وما بتوقع في مشكلة بالدخول عليها بجوز بدها موافقة من المخفر بس .. إنتو بتعرفوا

إذا بدى إشرح عن الموقع أكثر فهو شارع عام على جانب منه بنايات المخيم وعلى الجانب الآخر لا يوجد بناء بل أرض فلاة في منها زراعي وبالعادة منفوت عليها نتمشى نلعب طابة ما في مشكلة وفي كتير ناس بروحو يركضو على طول الشارع الصبح والمسا وحتى بآخر الليل ...

وأنا رشحت الموقع لأنه بعيد عن التلوث الضوئي وترى السماء منه بوضوح وهو داخل مدينة دمشق يعني بترحلو من بوابة الميدان مشي بخمس دقايق بس

وبفضل حدا من الجمعية يشرفنا بزيارة وبشوف المكان على الواقع .....

وإذا بتحبو ... ممكن صور المكان وابعثلكن الصور ....!!

انا بعرف المكان او رايح عليه
المنطقة غير جيدة على الاطلاق