ليلة رصد ناجحة جدآ بجو عاصف وسيئ...

حبيت كون اول عضو بيتقدم بالشكر لكل مين ساهم بليلة الرصد يلي قامت فيها جمعية هواة الفلك -كعادتها-بتميز واتقان

ما حدا يستغرب من تمييز هي الليلة وشكري للجمعية ...لأنو يلي حضر بيعرف انو كان الجو سيئ جدآ وكل مين فاق الصبح وبيعرف بهي الليلة تشاءم وانزعج..لان تأكدنا انو مستحيل يصير رصد بهيك جو....

بس ...وبنشاط كل الأعضاء المتميزين بالجمعية...كانت الليلة ناجحة نسبيآ ,حتى لو تمنينا لو استمرت اكتر كالعادة

واكيد مارح انسى اشكر المعهد العالي لإدارة العمال واستضافتون الحلوة والمميزة اكيد واشكر رئيس الجمعية المهندس محمد العصيري... والآنسة تركية جيور على تعبون المستمر معنا لنجاح الجمعية واستمرارها

اهم شي بأكد على ذكر اسماء رفقاتي -طبعآ يلي بعرفون-ويلي تعبو مبارح

قتيبة بو زيان"عضو عامل بالجمعية وطالب بالمعهد العالي"-تامر سوار-رجائي -محمد شيخ البساتني وشكرآ للأستاذ عبد اللطيف

وأكيد شكر كبير لكل طلاب معهد هبة يلي كان ترحيبون مفاجئ فيه

وبعتذر من يلي كان موجود وما ذكرت اسمو سهوآ...وبقلو شكرآ

بتمنى من كل قلبي استمرار الجمعية ونجاحا المستمر دائمآ.....

سوزان حداد....

مبروك لإلكم سوزان هذه الرحلة الجميلة....بس لو تتحدثي لنا بتفاصيل أكثر عن هذه الرحلة....شو عملتو؟؟؟ شو رصدتو....؟؟ موقع الرصد كيف كان؟؟؟ولو في صور يا ريت....

يا هلا محمود....

ليلة الرصد كانت بالمعهد العالي لإدارة الأعمال...بمنطقة برزة....بصراحة أكتر من هيك بالتفصيل عن الموقع ما بعرف ..

يلي بعرفو انو كانت الساعة 5 المسا....

اول شي عطى اللواء محمد فارس محاضرة..وبصراحة...بعتقد انو أخدت أكتر من الوقت المحدد الها ..لأنو الطلاب انبسطوا كتيير وبلشت الأسئلة تنهمر عليه من الطلاب وحتى المشرفين على الليلة....

بلشنا رصد بعتقد الساعة 7 المسا ..وفاجأنا انو كنا مفكرين ممكن رؤية القمر مو أكتر

ومتل ما خبروني انو حسنا نشوف اكتر من هيك..

وبس بلشنا نضب التلسكوبات بيجي طالب من الهيئة الادارية بالمعهد وبيطلب منا انو نخليها بس نص ساعة زيادة لانو الكل كان مبسوط....

هلأ المفاجأة بصراحة مو لأنو فقنا الصبح متشائمين وقلنا مافي رصد اليوم وبتطلع الليلة كتير ناجحة وبس...

لاااء

الاستقبال بالمعهد ...

عنجد كان الاهتمام والاستقبال كتير منظم وحلو ومبين انو تعبانين عليه...

على كلن....كنا منتمنى لو حضرت انت ويلي غابوا من أعضاء الجمعية المتميزين

شكرا كتير سوزان لتعقيبك فعلا كان يوم شاق جدا بالنسبة إلي و نجاحو كان عملية تجاوزت المعقول
كنت أنا و صديقي و زميلي بالجامعة و عضو من الهيئة الإدارية أحمد عبد المعطي عمنسق لقيام هالفعالية من 4 أسابيع واتسلمنا عملية تنظيمه كنت كل يوم أفتح أكتر من عشرين موقع عن الجو وكل يو كانت النتائج شكل وكنت خايف من موضوع الجو كتير
اخر أسبوعين صرنا نعد بشكل يوميا تقريبا لنحاول إنجاح هذه الفعالية
منتفاجئ باليوم الأخير سوء الأحوال الجوية كنت كل ما أطلع على السما شوفا شكل ووصلت لدرجة توتر رهيبة ضلينا صابرين لأخر دقيقة و متل الأحلام بخف الغيم شوي و بدو الشباب الرائعين بالرصد
سمحولي أشكر كل مين ساهم بنجاح هذه الفعالية
من الجمعية
المهندس محمد العصيري رئيس الجمعية
رائد الفضاء العربي السوري اللواء محمد فارس
الأنسة تركية جبور
الأستاذ عبد اللطيف الخالدي
سوزان حداد
تامر سوار
رجائي عرابي
عبادة عرابي
محمد شيخ بساتنة

ضيفانا
الأستاذ محمد الكحال
الأستاذ سامر بيازيد

من المعهد العالي لإدارة الأعمال
السيد عميد المعهد
السيد وكيل المعهد
السيد أمين المعهد
السيد مدير شؤون الطلاب
الهيئة الإدارية للمعهد
رئيس لجنة المراسم و البروتوكول
لجنة المراسم والبروتوكول

ولكل من ساهم في إنجاز هذا العمل

يا سلام...والله كنا منتمنى نكون معكم....وعلى كل قلوبنا دائما معكم.......وكل الشكر والتقدير لكل من ساهم في إنجاح هذه الليلة.....

والله باينتا رحلة حلوة كانت
محمود شوف أهل الشام كل كم يوم يعملو رحلة وطلعة شكل
نحنا بنعمل رحلات وطلعات بالمناسبات والاعياد الوطنية Smile

يأخي نيالون عنجد كنت متمني كون من أهل الشام
بس كأني هالرحلة صارت فجأة ما هيك؟؟؟؟
لأنو ما انذكر عنا شي قبل بوقت؟؟؟؟؟؟

هي انا من اهل الشام وما دريت فيها مشان هيك لا تندبو على حظكون ما في حدا احسن من حدا

مشان هيك كانت الليلة عاصفة يا ناصر...لانو ما قالولنا.........ههههههههههههههه

يا جماعة ما عملنا غير واجبنا تجاه العلم و تجاه جمعيتنا

قتيبة ... شو استاذ ما استاذ ... طعجتنا يا زلمة ليلة رصد ناجحة جدآ بجو عاصف وسيئ... Drunken_smilie

سوزان .... شكراً ع اللون الازرق ليلة رصد ناجحة جدآ بجو عاصف وسيئ... Lol

» صور ليلة الرصد مع الكشافة
» ليلة فلكية رائعة
» الفكي الصغير في حماة-ليلة رصد مميزة-
» الشعاع العمودي بين القمر والأرض في ليلة البدر
» ليلة فلكية مميزة..في رحاب مطعم سيزر بحماة