ارجو المساعدة !!

السلام عليكم
؟انا اريد ان اشتري تلسكوب بس محتار بين كل هتلسكوبات مشان هيك نأيت كم واحد وبدي منكم تكتبولي كل المعلومات يلي بتعرفوا عنهم بما فيه السعر وأي هو احسنها

pluto 114/500
lyra 70/900
mars exlorer 70/700
etx 80 at
venus 76/700
وكمان اذا في تلسكوب احسن من هدول وسعرو رخيص رجاء تكتبولي عنو كمان

اهلين اخي محمد

الاسعار هي كالتالي:
بلوتو 25000
لايرا 25000
الباقي غير متوفر
و المعلومات المتعلقة بكل تليسكوب موجودة في اسف الصفحة الرئيسية لموقع الجمعية على اليسار

ملاحظة ... هناك حسم لاعضاء الجمعية لذا ارجو احضار بطاقة العضوية عند الشراء

هلق انا ما عم اقدر افهمون بالانكليزي
ويسلمو مشان الاسعار

مافي مشكلة اهلا و سهلا و بالنسبة للانكليزي بنصحك تروح ع الجمعية و هنن بينصحوك بالتليسكوب المناسب ... شو رأيك ؟؟؟

ايه بركي بكرا عرحلة رصد الشمس

الله حيو ... اصبح نراك غداً باذن الله

لك هي رحت ورجعت و ما التأيت بحدا

طيب بسيطة و لا على بالك

ممكن تجاوبني ع الاسئلة التالية:
1- انت شو حابب تشوف كواكب و لا مجرات ؟؟؟
2- اديش حاطط ميزانية ؟؟؟
3-حابب تصور الكواكب و المجرات ؟؟؟

بانتظار جوابك ابو شريك

1 - حابب شوف مجرات وسدم واذا في ظاهرة فلكية هامة بدا تصير اقدر ارصدا
2-الميزانية لسا ما حكيت فيا مع اهلي بس لاعرف الاسعار بناقشون بالموضوع
3نعم
و اذا في اسالة كمان انا بالخدمة

الاسعار صارت عندك
و انا بنصحك بـ غالاكسيا اذا بتحب او بلوتو
الاثنين بنفس السعر لغير الاعضاء و لكن للاعضاء دائما في سكرة طيبة

حول

انا لقيت انو بلوتو أحسن لانو هنن لتنين الون نفس المواصفات بس بلوتو قوة تكبيرو اكبر وهيك بصير في عدسة كبيرة وقدرة عتجميع الضوء اكتر وقوة تكبير قوية
اذا في عندك اقتراح تاني اللي عليه قبل ما ناقش اهلي

حول

خيار موفق بس دير بالك لشغلتين:

1- قبل ما تجي تاخد التليسكوب احكي مع الجمعية قبل 24 ساعة مشان نجيب التليسكوب من المستودع
2- تليسكوب بلوتو للاعضاء 21000 تماماً

حول

هيك صار فيني حاكي اهلي بالموضوع وبس لاخد الجواب منهون بقلك

حول

ان شاء الله بالتوفيق

استاذ عبد اللطيف هلق شفت انو تلسكوب بلوتو بدو صيانة مستمرة وبينكسر بسرعة حسب المحاضرة يلي موجودة بالموقع
اذا في واحد كاسر منيح وارخص من بلوتو بكون احسن

تليسكوب لايرا ... بس نفس السعر و هو ايضا ممتاز من ناحية الصيانة
و هناك تليسكوب ار 90 كاسر مستعمل بسعر 25000 و سعره جديد 35000 و هو ايضا ممتاز

ولله يا اخ عبد اللطيف بدك ما تواخزني انا ما رح اقدر اشتري التلسكوب لالله يسر
لانو اخي عمل حادث بالسيارة ومصاري التلسكوب بدون يندفعو لتصليح

ان شاء الله ما على قلب اخوك شر و ان شاء الله اجر و عافية و مافي مشكلة معلم ... التليسكوبات كتيرة و متوفرة و بركي الله سبحانه و تعالى اجل الموضوع لحكمة ... عسى لخير

سلامي الحار على رسالتك و تمنياتي لاخوك بالشفاء العاجل

اخ عبد اللطيف
الحمد لله على كل شي
اخي الحمد لله ما صرلو شي انشاء الله خير
شكرا كتير الك