رصد آخر خسوف للقمر في عام 2009..

كانت آخر ليلة في السنة....كان القمر بدرا...يشع ضوءه الأبيض فيقطع به خيوط الظلام المتشابكة...
ليلة باردة...أخيرة..في عام 2009...شهدت هذه الليلة الخسوف الوحيد للقمر خلال عام 2009 في سوريا والأقطار العربية...
هذا الخسوف دام ساعة تقريبا...كان مقداره 7% من قرص القمر الكامل....وبحمد الله...كانت السماء صافية تقريبا "في مدينة حماة" واستطعنا بواسطة تلسكوب رصد هذا الخسوف....
ومع شاي ساخن "بالقرفة" ساهرنا الليل طيلة فترة الخسوف...واستمتعنا برصد هذه الظاهرة الجميلة..وبالنسبة لي...هذا أول خسوف أرصده بشكل مباشر...
وبكاميرا حسان...التقط العديد من الصور عبر التلسكوب...طيلة فترة الخسوف...وسأضع هنا صورتين منها:

شيء جميل. مبروك يا محمود
أنا أيضاً رأيت هذا الخسوف في ليلة رأس السنة و كان بعد منتصف الليل هنا في طوكيو.
و بالمناسبة أيضاَ كانت ليلة باردة يمكن من أبرد ليالي العام. و ما كان في لا شاي بقرفة و لا ما يحزنون... يمكن لهلاء ما دفيت من يوميتا

باس منظر!

ولله انا طلعت مع الجمعية وبما انو الطلعة كانت عبن الحموي فكان في اهوة و نسكافيه تعوض عن البرديلي بصحنايا
بس ولله كان رصد بكل معنى الكلمة

اي والله وانا كمان شفتو للخسوف مع قهوة وأركيلة غير شي بس كان في برد كتير انا فكرت انو ما كتير رح يبين بالعين بس والله واضح تمام
استاذ الكسندر شقد نسبتو كانت بالصين للخسوف
دكتور فراس عادي ولا يهمك الخسوف الواحد عادي انو يروح منو لانو بيتكرر كتير
بس الشغلة البشعة لما بيفوتك كسوف

اخ الكساندر ممكن تكتبلي ايميلك !!!!!!!!

د فراس وكمان رح تطلعو ترصدو ببن الحموي

شو حميانة النقاشات هون شايف.
و خلص استاذ محمود. منظبط شي كسوف و منخسفها لكاسة الشي... و إذا بدك بحماه كمان!
و أخي ناصر مشان نسبة الخسوف. ما بتوقع كان في فرق بين مشهد الخسوف من ا لصين أو اليابان أو سوريا باعتبار كل المنطقة ممكن مشاهدة القمر منها. الخسوف سببه ظل الأرض لذلك سيظهر القمر بنفس النسبة المخسوفة من أي مكان تنظر فيه إلى القمر.
و بسيطة دكتور فراس... مافي أكتر من خسوفات القمر. أنت صحتك بالدنيا
و هي أيميلي لمحمد كرم
foralexon@gmail.com

يسلمو كتير ويا ريت لو بتصيرو تنادولي كرم
اخ الكساندر بدي اتساءل شوي عليك مافي واحد عل ياهو لاني ما بعرف اشتغل عل g-mail

يسلمو عالمعلومة استاذ الكسندر
انا رح ضل سهران اليوم مشان ما يروح على الكسوف

الكسوف ما ببين من طوكيو... كان بعد الغروب مباشرة. لو كان برج دبي بطوكيو بجوز كنا شفناه...
و مشانك يا كرم. إذا بدك عالياهو، افتحلي حساب و راسلني عليه و ابعت لي اسم المستخدم و كلمة السر و بصير شوفو. و لو أنو ما فمت شو المشكلة يكون عنواني على g-mail.